কোৱা হয় যে history repeats itself _ বুৰঞ্জীৰ পুনৰাবৃত্তি ঘটে ৷ এই কথাষাৰ যেন পুনৰ প্রমাণ হ’বলৈ গৈ আছে ৷বিগত ৪১ বছৰত ৰহস্যময় মহাকাশত অজস্র আশ্চর্য্যজনক মহাক্তগতকি ঘটনা সংঘটিত হোৱাৰ পাছত ভাৰতৰ মহাকাশ বুৰঞ্জীৰ পুনৰাবৃত্তি ঘটাবলৈ সাজু হৈছে ভাৰতীয় বায়ুসেনা বাহিনীৰ আন এজন বিষয়া তথা গ্ৰুপ কেপ্তেইন শুভাংশু শুক্লা ৷ আজিৰ পৰা ৪১ বছৰ পূর্বে ১৯৮৪ চনৰ ২ এপিলত ৰাছিয়াৰ ছয়ুজ ৰকেটত উঠি ভাৰতীয় বায়ুসেনা বাহিনীৰ স্কোৱাড্ৰন লীডাৰ ৰাকেশ শৰ্মাই এই অভূতপূর্ব ইতিহাস ৰছিচিল , যি আজিও সোনালী আখৰেৰে খুদিত ৷ এই ইতিহাস শুভাংশু শুক্লায়ে পুনৰ ৰছিবলৈ গৈ আছে মংগলবাৰে অর্থ্যাৎ কাইলৈ ৷ মংগলবাৰে বিয়লি ৫ বাজি ৫২ মিনিটত আমেৰিকাৰ ফ্লৰিডাৰ কেনেডী স্পেচ চেন্টাৰৰ পৰা মহাকাশালৈ উৰা মাৰিব শুভাংশু ৷
ইতিপূৰ্বে বিভিন্ন কাৰিকৰী কাৰণত দুবাৰকৈ স্থগিত হৈছিল এই অভিযান ৷ ইলন মাস্কৰ কোম্পানী স্পেচ এক্সৰ দ্বাৰা নৱনিৰ্মিত ড্ৰেগনৰ এয়া হ’ব প্রথমটো মহাকাশ যাত্রা ৷ ড্রেগনক কঢ়িয়াই লৈ যাবলগীয়া নাছাৰ ফেলকন-৯ ৰকেটৰ শীর্ষত ড্রেগনক সংযোগ কৰাৰ পাছত, যাত্ৰাৰ ২৪ ঘণ্টাৰ পূৰ্বৰ পৰা আৰম্ভ হৈছে কাউণ্টডাউন ৷
‘এক্সিঅ’ম-৪’ বা ‘এ এক্স-৪’ হিচাপে নামকৰণ কৰা এই মহাকাশ যাত্ৰাত ভাৰতীয় নভোচৰ শুভাংশুৰ সংগী হ’ব তিনিজন ৷ এওঁলোক হ’ল নাছাৰ মহাকাশচাৰী পেগি হুইটছন, পেগি থাকিব মিছন কমাণ্ডাৰ হৈ ৷ লগতে বিশেষজ্ঞ হিচাপে সংগী হ’ব হাংগেৰীৰ টাইবাৰ কাপু আৰু পোলেণ্ডৰ শ্লাউছজ উজনানস্কি উইছনিৱেউস্কি ৷ ভাৰতীয় নভোচৰ শুভাংশু শুক্লা হ’ব এই অভিযানৰ পাইলট ৷
শুভাংশু আৰু ৩ সতীর্থৰ এই মহাকাশ যাত্ৰা হ’ব ২৮ ঘন্টাৰ ৷ ভাৰতে শুভাংশু শুক্লাৰ এই মহাকাশ যাত্ৰাৰ বাবে ব্যয় কৰিছে ৫০০ কোটি টকা ৷ মার্কিন ৰাষ্ট্ৰপতি ড’নাল্ড ট্ৰাম্প আৰু স্পেচ এক্সৰ স্বত্বাধিকাৰী ইলন মাস্কৰ শেহতীয়া সংঘাতত পুনৰ ‘এক্সিঅ’ম-৪’ৰ যাত্ৰা পুনৰ অনিশ্চিত হৈ পৰিছিল যদিও বৰ্তমান সকলো যথাযথভাৱেই আগবাঢ়ি আছে।
