সংস্কৃতি আৰু আত্মপৰিচয়ৰ এক জীৱন্ত প্ৰতীক। অসমতেই স্বাভাৱিকভাৱে উৎপাদিত এই অনন্য ৰেচম—মুগা ৰাজ্যখনৰ পৰম্পৰা, সংস্কৃতি আৰু অৰ্থনীতিৰ এক বিশেষ পৰিচয় । সোণালী আভা, প্ৰাকৃতিক উজ্জ্বলতা আৰু দীঘলীয়া স্থায়িত্ব—এই তিনিটা বিশেষ গুণৰ বাবে মুগা ৰেচম বিশ্বজুৰি সমাদৃত। পৃথিৱীত বাণিজ্যিকভাৱে মুগা ৰেচম উৎপাদন কৰা একমাত্ৰ অঞ্চল হৈছে অসম।
মুগা পলুৰ জীৱনচক্ৰ।কণীৰ পৰা আৰম্ভ হৈ পলু, লেটা আৰু শেষত পখিলালৈ ৰূপান্তৰিত হয়। বছৰত সাধাৰণতে ৫ৰ পৰা ৬টা প্ৰজন্মৰ মুগা পলু পালন কৰিব পাৰি। পলুৱে বন্ধা লেটাৰ পৰাই উৎপাদিত হয় মূল্যৱান মুগা সূতা।
মুগা ৰেচম কেৱল এখন কাপোৰ নহয়।ই অসমৰ ঐতিহ্য আৰু পৰিচয়ৰ প্ৰতীক। বিয়া-সবাহ, বিহু, উৎসৱ-পাৰ্বণ আৰু বিভিন্ন বিশেষ অনুষ্ঠানত মুগাৰ মেখেলা-চাদৰ, গামোচা আৰু অন্যান্য বস্ত্ৰ বিশেষ মৰ্যাদা লাভ কৰি আহিছে।ৰাজ্য চৰকাৰ আৰু কেন্দ্ৰীয় সংস্থাসমূহে উন্নত বীজ, বিজ্ঞানসম্মত পালন পদ্ধতি আৰু বজাৰ সংযোগৰ জৰিয়তে মুগা উদ্যোগক অধিক শক্তিশালী কৰাৰ দিশত কাম কৰি আছে। শেহতীয়াকৈ “মিছন চেনেহজৰী”ৰ দৰে পদক্ষেপেও অসমৰ মুগা ৰেচমক বিশ্ববজাৰত অধিক প্ৰতিষ্ঠা দিয়াৰ লক্ষ্য লৈ আগবাঢ়িছে।
মুগা কেৱল এখন বস্ত্ৰ উদ্যোগ নহয়, ই অসমৰ ইতিহাস, সংস্কৃতি আৰু আত্মপৰিচয়ৰ এক জীৱন্ত প্ৰতীক।